Gullkorn

Janúar 2011

Þóra Guðrún og mamma á safni að skoða gömul húsgögn.

Þóra Guðrún: Hver á heima þarna?

Mamma: Þessi húsgögn voru notuð í gamla daga, fólkið í gamla daga notaði þau og átti heima þarna.

Þóra Guðrún: já, afi!!

"Mamma.... ég er líka bóla!" sagði Þóra Guðrún stolt þegar að hún kom heim af leikskólanum og viti menn..... hún hafði rétt fyrir sér.

Einar: Herdís María viltu koma niður... þú mátt ekki vera upp á þessu! (sagt strangri röddu)

Herdís María: Ég fer bara og sæki jakkann minn og fer burtu!! (já maður er orðinn rebel 3ja ára á þessum bæ)

Herdís María: " Mér langar svo í Músasmiðjuna" (lesist: "Mig langar svo í Húsasmiðjuna")

************************************************************************************************************************

Desember 2010

Herdís María: "Ég get alveg opnað þessa pakka (og bendir á gjafirnar undir tréinu)... það er sko alveg skítlétt!!!

Mamma var farin að undrast óvenju þæga Þóru Guðrúnu inn í herbergi. Ákvað að athuga málið og viti menn, daman komst í jóladagatalið og át það upp til agna...... :/

Herdís María: Mamma þú er svo fín... með sítt hár og eyrnalokka... :o)

Hún er dásamlega, dýrindis dúllusprengja... litla áramótasprengjan okkar. Til hamingju með 2ja ára afmælið Þóra Guðrún okkar. Knús og kossar frá mömmu og pabba

************************************************************************************************************************

Nóvember 2010

Herdís María sagði við pabba sinn að hann ætti að fara að drífa sig í að raka sig, þetta gengi ekki lengur. Mamman mótmælti og sagði að pabbinn væri sætur með skegg og þá lagði Herdís María það til að hann væri með pínulítið skegg ;) (strax farin að semja)

Þóra Guðrún veik heima. Í hádeginu voru vaktaskipti. Mamman tók við af pabbanum. Þóra Guðrún var sofandi og þegar að hún vaknaði sagði hún ánægð: "Mamma komin" og svo sagði hún hissa:" Hvar er EINAR?" :o)

Mamma kom heim af vinnuhelgi með litlu f lugfreyjutöskuna mína. Litlu skotturnar á heimilinu komu hlaupandi og bið spenntar eftir að taskan yrði opnuð.... (úpps... móðirin ekki alltaf að koma frá útlöndum hehe)

Herdís María: Mamma.... jólin eru að koma

Mamma: Já elskan, veistu hvers vegna við höldum jól?

Herdís María: Já , til þess að fá pakka... maaaaaaaaarga pakka!
Mamma: En veistu hver fæddist á jólunum?
Herdís María: já, jólasveinarnir!

***************************************************************************************************

Október 2010

Herdís María: "Svona litla barn, fáðu þér að súpa núna" (sagt við dúkku)
Pabbi: "Geturðu ekki hugsað svona um Þóru Guðrúnu?"
Herdís María: "Nei, hún getur séð um sig sjálf!"

Ein lítil Þóra Guðrún 1 árs sem getur ekki beðið eftir afmælinu sínu. Kom sér fyrir upp á stofuborði í kvöld og söng "Afmæli í dag, afmæli í dag.... " með tvo fingur á lofti = tveggja ára ;)

Herdís María að leika með strákadúkku og stelpudúkku. Stelpudúkkan: " Hvað heitir þú?" Strákadúkkan: "Herdís María EinarsSON"

****************************************************************************************************

September 2010

Þóra Guðrún klifrarði upp á topp í rimlunum niðrí íþróttahúsi og sveiflaði sér í köðlunum án vandkvæða...... 20 mánaða íþróttaálfur

"Ég er dásamleg og ég er yndisleg.... og þú elskar mig" (Herdís María við mömmu sína sept 2010)

Mamma spjallar við Herdísi Maríu um það áður en Herdís María fæddist. "Varst þú bara ein mamma?" "Já ég var bara ein, átti engar litlar stelpur" Herdís María með tárin í augunum " Greyið mamma!!" Herdís María hugsar sig smá stund um.... " Mamma... ég var bara að fela mig... smá týnd sko... og sjáðu hér er ég!!"

Herdís María á eina ömmu Tunnu og eina ömmu Sóða.....

Hún er fallegur, frískur fjörkálfur. Fíngerð og fögur. Hún er ferlega flott og fáguð og í kringum hana er alltaf fun fun fun. Hún er Herdís María og hún er 3ja ára ! Innilega til hamingju með afmælið elskan mín... þín mamma :*

**************************************************************************************************

Ágúst 2010

Herdís María að hlusta á Bíddu pabbi með Villa Vill og velti tvennu fyrir sér: "Af hverju vildi pabbinn ekki bíða?" og " Hann datt af því að hann var ekki með neina fætur!"

Spakmæli dagsins: "Það kemur mjólk úr rassinum á beljum" (Herdís María)

***********************************************************************************************************************

Júní 2010

Fjölskyldan í sundi

Herdís María segir við pabba sinn með skítaglott á vör : Þú ert ekki pabbi minn!

Pabbi: Nú, er ég ekki pabbi þinn? Hver er þá pabbi þinn?

Herdís María: Þessi! (og bendir á rosalegt hönk í pottinum, tanaðan og vöðvaðan ;)

______________________________________________________________________________________

Maí 2010

Pabbi: Herdís María komdu að borða

Herdís María: Nei ég borðaði í gær! (alveg nóg sko)

_______________________________________________________________________________________

Apríl 2010

Herdís María: „Paaabbi, það er fluga í herberginu mínu!“

Pabbi: „Nú? Er fluga í herberginu þínu?“

Herdís María: „Já! Og hún er að hoppa!“

Herdís María: „Pabbi taktu hana, hún er ógeðsleg!“

Pabbi: „Viltu ekki bara taka hana sjálf?“

Herdís María: „Nei, þú ÁTT að taka ógeðslegu fluguna!“ (prinsessan á bauninni hehe)

---------------------------------------------------------------------------------

Herdís María að tala við sjálfa sig og koppinn sinn

Herdís María: "Ég ætla ekki að kúka í buxurnar, ég ætla að kúka í koppinn. Nei ég ætla ekki að kúka í buxurnar, NEI TAKK!

_____________________________________________________________________________________________

Desember 2009

Herdís María: "Herdís María er lasin" og daman andvarpar og leggur handabak á enni (rosalega dramatískt)
Mamma: "Nei nei HM er ekkert lasin, farðu nú að sofa elskan"
Herdís María stekkur eins og píla upp úr rúminu og bendir á svarta rák á veggnum "Mamma sjáðu könguló"
Mamma: "Nei hvaða vitleysa, leggstu nú"
Herdís María: "Herdís María drekka"
Mamma: STÓRT andvarp

Nóvember 2009

Uppáhalds vísa Herdísar Maríu þessa dagana er "Siggi var úti" Hún vill syngja hana daginn út og daginn inn og þegar við teiknum með henni þá eigum við að teikna tófuna á grjóti og Sigga grátandi. Herdís María er skíthrædd við tófuna.

Amma keypti nýja LOÐhúfu í Danmörku. Herdís María vildi alls ekki setja húfuna á höfuðið. Allir reyndu hvað þeir gátu en Herdís María sagði hátt og snjallt : " Ekki tófuna á grjóti á hausinn á Herdísi Maríu"

og ekki orð um það meir!!!

__________________________________________________________________________________________

September 2009

Á afmælisdegi Herdísar Maríu þann 14. september 2009. (Þá hafði verið 2falt afmæli daginn áður og afmælissöngurinn mikið sunginn)

Mamma syngur: "Hún á afmæli í dag, hún á afmæli í dag"

Herdís María (mjög pirruð): "Mamma, ekki!"

__

Elías Torfi var í mat og var með soldið slæman hósta

Mamma: "Æ Elías minn, þú ert með slæman hósta"

Elías: "Já"

Herdís María: "Æ greyið kallinn....."

__

Mamma sótti Herdísi Maríu á leikskólann

Herdís María: Hvar er pabbi?

Mamma: Hann er í vinnunni

Mamma: Veistu hvað? Mamma var líka í vinnunni í dag!

Herdís María hlæjandi: Neeeeiiiiii ... mamma er heima....

(stúlkan greinilega vön því að mamman sé heima og pabbinn sé í vinnunni!)

____________________________________________________________________________________________

Júlí 2009

Herdís María vildi fara í pilsi á sumarhátíð KB og þetta samtal átti sér stað þegar að pabbi var að klæða hana.

Pabbi: Vááá... ætlarðu í svona flottan kjól??

Herdís María: NEI, ÞETTA ER PILS! (Mjög hneyksluð á þessari heimsku föður síns)

__

Pabbi: Nú kem ég og borða mömmu.....

Herdís María: NEI! og hleypur og ver mömmu sína

Pabbi: Þá kem ég og borða Herdísi Maríu....

Herdís María: NEI! og leitar skjóls hjá mömmu

Pabbi: Hvað á ég þá að borða?

Herdís María: Þetta! og bendir á Þóru Guðrúnu

__

Herdís María að horfa á Barbapabba á netinu

Mamma: (spyr pabba) Er þetta hollenska?

Herdís María: Nei, þetta er Barbapabbi!!

______________________________________________________________________________________

Júní 2009:

Mamma: Hver á táslurnar hennar Herdísar Maríu?

Herdís María: Pabbi

Mamma: Nú, á mamma ekki táslurnar?

Herdís María: Nei pabbi (frekar pirruð)

Mamma: En hver á puttana hennar Herdísar Maríu?

Herdís María: Pabbi

Mamma: Nú á mamma ekki neitt?

Herdís María: Nei

Mamma: en hver á Þóru Guðrúnu?

Herdís Maríu: Pabbi! (alveg hneyksluð á þessari vankunnáttu móðurinnar)

Mamma: En hver á mömmu?

Herdís María: PABBI!! (Greinilegt að pabbi á bara ALLT í heiminum)